अभ्यास कसा करावा?
आजचे युग प्रचंड स्पर्धेचे आहे. या जगात यशस्वी व्हायचे तर पहिला प्रयत्न हा चांगला अभ्यास करून चांगल्या पगाराची नोकरी मिळवणे किंवा चांगले कौशल्य प्राप्त करून चांगले अर्थाजन करणे हाच असतो. त्यासाठी चांगल्या शाखेत/क्षेत्रात प्रवेश मिळायला हवा. त्यासाठी हवेत चांगले मार्क्स. आणि चांगल्या मार्कांसाठी करावा लागतो चांगला अभ्यास.
मात्र अभ्यास कसा करावा. विविध विषय अभ्यासण्यासाठी कुठल्या पद्धती वापराव्यात. त्या विषयांचा अभ्यास का जरूरी आहे याबाबत अनेक विद्यार्थी मार्गदर्शनाअभावी अनभिज्ञ असतात. त्यामुळेच विविध विषयांचा अभ्यास करण्यासाठी आवश्यक मार्गदर्शन करण्यासाठी या सदरात लेख प्रसिद्ध केले जातील.
अभ्यास करण्यात मन लागावे यासाठी आधी ध्येयनिश्चिती करणे आवश्यक आहे. तुम्हाला आयुष्यात काय साध्य करायचे आहे हे ठरवा. चांगली नोकरी मिळावी किंवा चांगला व्यवसाय करून चांगले अर्थार्जन करता यावे हे सर्वच विद्यार्थ्यांचे साधारण ध्येय असते. चागले करिअर घडवण्यासाठी चांगला अभ्यास करणे आवश्यक आहे. माझे अभ्यासात मन लागत नाही. वाचलेले काहीच लक्षात राहत नाही अशा तक्रारी […]
